خوراسان تورك‌لري آزويكي‌ده + نقشه
خوراسان تورك‌لري - ترك‌هاي خراسان:
خوراسان تورك‌لري آزويكي‌ده
خوراسان تورك‌لري - سايلاري ايكي ميليون اولدوغو تخمين ائديلن خوراسان تورك‌لري بوتون خوراسانين قوزئيينده(شماليندا) يعني دره‌گز، شيروان، و بوجنوردون بير چوخ يئرلري نئيشابور، ايسفرايئن ، توربت حئيدريه‌نين بعضي بؤلگه‌لرينده ياشاييرلار. عئين حالدا گولوستان ايالتي نين گونئيينده اولان ماحالين اهالي‌سي‌ده عومومن تورك‌دورلر.[1]
[redaktə] ديل‌لري
خوراسان توركجه‌سي آزربايجان توركجه‌سي و توركمنجه نين آراسيند ا يئر آلير. عئيني حالداخوراسانليلارين توركجه سي اؤزبك توركجه سيندن ده ائتگيلنميشدير.[2] بو بؤلكه ده صفوي‌لر زامانيندا دوغو(شرقي) آنادولو و ايروان حواليسيندن خوراسانا كؤچورولموش كوردلر ده تورك‌لرله قونشودورلار .عومومن مال‌دارليق‌لا مشغول اولان بو كوردلر داغليق يئرلرده يئرلشديريلميش‌لر و داها چوخ سون ايل‌لرده شهرلره گليب ساكين اولموش‌لار، خوراسان كوردلري اؤز آرالاريندا قيرمانج كوردجه سينده دانيشسالاردا عوموما توركجه ني ده اؤيرنيب ، دانيشارلار.[1]
[redaktə] خوراسان تورك‌لري‌نين ائل‌لري
خوراسان تورك‌لرين ايكي بويوك يئره بولمك اولار: يئرلي تورك‌لر كي قوچاني، درگزي، بوجنوردي تورك‌لري آدي‌لا تانينيرلار و نئچه عصردير كي بورالاردا ياشاييرلار. آزربايجان‌لي تورك‌لر كي كي سون يوز ايلده خوراسان‌دا ساكين اولوب‌لار. [3]
خوراسان تورك‌لري‌نين تشكيلينده بو ائل‌لرين بؤيوك رولو اولموشدور: گرايلي، تئمورتاش، جيغاتاي، جلايير، قارشي قوزئي،افشار، بايات، اوستاجلو، اجيرلي، كنگرلي، قاراگؤزلو و ساييره. هم‌ده داها سونرالار گلميش اولان كوردلرين ده موعين قيسمي تورك‌لشرك خوراسان تورك‌لري‌نين ائتنيك تركيبينه كئچميش‌لر. و تخمينن 52.000 كيلومئترمورببع بؤيوك‌لوك‌ده بير اؤلكه‌دير.[1]
[redaktə] مذهب لري
خوراسان تورك‌لري‌نين هاميسي اون ايكي ايمام‌لي شيعه مذهب‌لي موسلمان‌ديرلار. [1]
[redaktə] خوراسان تورك‌لري و ايراندا اولان شوونيستي دوشونجه‌لر
پهلوي رئژيمي زامانيندا ايراندا شوونيستي دوشونجه‌لر اساسيندا فارسجادان باشقا دي‌لر قاداغان اولونوب و بونون اساسيندادا خوراسان‌تورك‌لري بويوك ظولم‌لره قارشي اولوب‌دور. همين سياست اسيندا ايندي اوخول‌لاردا تورك‌لر و كوردلر چوخ ساي‌لي اولان بولگه‌لرده اوشاق‌لارين درس اوخوماغيندا بويوك پروبلئم‌لر واردير.[3]
[redaktə] قايناق
- ↑ 1,0 1,1 1,2 1,3 تورك خلق ادبياتي يازان: عليرضا صرّافي
- ↑ Ethnologue report for Khorasani Turkish
- ↑ 3,0 3,1 فصلنامه تحقيقات جغرافيايي، سال سوم شماره 2 ، پاييز 1376، دكتر محمد حسين پاپلي يزدي
قايناق: خوراسان تورك‌لري-آزويكي
بؤلوم : توركجه يازي‌لار
یازار : بيرتورك